浪漫西餐廳

我地去完九龍公園放電，一時之間真係諗唔到想食d咩，行行下見到有間特色小店，門外佈滿綠色植物,餐廳入面燈光昏暗，雖然地方不大，但環境舒適，近門口位置座位有一排窗口，最適合同朋友飲杯傾下計，感覺置身於中上環既浪漫西餐廳。

我地點左2杯飲品，紐西蘭托托蜆同脆蟹肉薯丸，平時多數都係食青口，今次試托托蜆真係喜出望外，又大隻又鮮甜，可惜無配上麵包。Ronnie 最鐘意就係呢個蟹肉薯波波，炸得香脆又唔會太乾👍🏻

意式香草烤雞意大利飯好健康，比較清淡，好岩Ronnie口味，配上嫩滑雞胸肉，

全晚最高水準就係焗慢煮特級肉眼，一上枱已經好香，焗到外脆內軟，肉味濃又夠juicy ，以呢個價錢黎講，真係好抵食，我地再加左錢要多一份粟米。

烤焦糖菠蘿🍍，菠蘿烤過之後更鮮甜多汁，而菠蘿嘅糖分被燒到微焦，增添了陣陣焦糖香，更添層次。

雖然係小店，服務態度好好呀，同時照顧小朋友既需要，上菜時間都快， 又主動幫我地換碟。下次我想淨係同爸爸黎拍拖，好好談心一下
@flaneur_beer_grill
#flaneur
#hkfoodies #girlsssstory #Happyhour

推薦 ! ! !「肌美精」超滲透3D水潤嫩滑立體面膜

Mask 已經成為媽媽生活既一部分，#daydaymask 既媽媽最鐘意咩都試下，平既、貴既、韓國製、日本製都愛試。

但一直都會keep住回購既只有幾款，其中一款就係去日本必掃既「肌美精」⭐️

女神范冰冰屋企雪櫃都囤貨不少。肌美精為日本Karcie公司旗下品牌，深受明星、化妝師、美妝Blogger 推薦，有平版SK-ll 之稱。

「肌美精」邁進20周年，除左換上新包裝，亦為大家帶來新面貌及口號-「透潤肌 新生美」，特別邀請實力派新生代演員，係《倚天屠龍記》中飾演張無忌-曾舜晞，成為「肌美精」大中華區品牌代言人。

皇牌產品3D立體面膜，一盒有 4 片，每一片都有30ml 的精華液。一打開，就感覺到滿滿的濃厚型美容精華液，感覺唔會太黏笠，更加唔會水滴滴

以專利的「3D立體」縫合剪裁，全面覆蓋，包括眼角、嘴角和鼻翼都能照顧得到，

佢眼同嘴既位置唔會開得太大，敷既位置多左。最鐘意係佢既鼻翼位，paper mask 真係未試過鼻翼位完全覆蓋得到，如果你同我一樣，鼻高高，你一定明白我既意思

側面睇，就更加容易睇到3D效果
除咗我最鍾意嘅鼻翼位置能全面覆蓋之外，下巴亦都完全貼服，不容易移位。

「無香料．無色素」，成分溫和，敏感皮膚都可以放心使用。敷完15分鐘之後，唔需要沖洗，可以再按摩一下，讓如下精華慢慢吸收，再按日常保養，塗上面霜，將精華鎖住。

用後感：
感覺皮膚超好，水感十足，滋養成分充份滲透，敷完即刻脹卜卜，充滿亮澤感。
亦唔會因為精華濃厚，而產生起屑嘅情況

一星期後，發覺肌膚比較明亮潤澤，皮膚比之前穩定，上裝更貼面，暫時佢係我最喜歡既面膜❤

🛒🛍:全線莎莎、萬寧、city'super(LOGON) 均有發售

#肌美精 肌美精 日本一藥妝面膜 #透潤肌新生美 #曾舜晞 #立體面膜#digitalprhk #倚天屠龍記 #張無忌 #Girlsssstory Digital PRHK#kracie @肌美精日本一藥妝面膜 #mask #面膜